موسمی بخار سے اورنگ آباد میں مریضوں کی تعداد میں اضافہ

اورنگ آباد میں مریضوں کی تعداد میں تشویشناک اضافہ ہو رہا ہے۔ گذشتہ کئی مہینوں سے اورنگ آباد میں موسم تبدیل ہوتا جا رہا ہے، کبھی سردی تو کبھی بارش تو کبھی گرمی جس کی وجہ سے ہر گھر میں مریض موجود ہیں اور سرکاری ہسپتالوں کے ساتھ ساتھ نجی ہسپتالوں میں بھی ایسے مریضوں کی بھیڑ نظر آ رہی ہے۔ Viral Fever in Aurangabad

اورنگ آباد: مہاراشٹر کے اورنگ آباد ضلع میں موسمی تبدیلی کے باعث کبھی بادل چھائے ہوئے ہیں تو کبھی گرمی اور کبھی سردی، گزشتہ تین ماہ سے علاقے سمیت دیہی اور نجی اسپتالوں میں وائرل مریضوں کی تعداد بڑھ رہی ہیں۔ موسم کی تبدیلی کی وجہ سے مریض مختلف بیماریوں جیسے نزلہ، بخار، کھانسی کے ساتھ ساتھ خلیات کی کمی یا زیادہ ہونا، تھکاوٹ ، ٹائیفائیڈ ، ڈینگو وغیرہ میں مبتلا ہو رہے ہیں ۔ ہر گھر میں مریض موجود ہیں اور سرکاری ہسپتالوں کے ساتھ ساتھ نجی ہسپتالوں میں روزانہ مریض علاج کی غرض سے آرہے ہیں۔

اورنگ آباد کے قدیم ڈاکٹر الطاف قریشی کا کہنا ہے کہ بخار، اچانک سردی لگنا، کمزوری، نزلہ اور کھانسی، مریضوں کو سر درد، بھوک نہ لگنا، خلیوں کی کم یا زیادہ تعداد، ٹائیفائیڈ یاڈ مینگو، وائرل انفیکشن کی وجہ سے یرقان جیسی بیماریوں یا مسائل کا سامنا کرنا پڑتا ہے۔ بروقت علاج ہو جائے تو دو چار دن میں مریضوں کو آرام آجاتا ہے۔

اس دوران مریضوں کو وقت پر پورا کھانا کھانا چاہیے اور تلی ہوئی، کھلی، باسی کھانے سے پرہیز کرنا چاہیے۔ زیادہ پانی پی کر صحت مند غذا کھائیں۔ موسم میں تبدیلی کے باعث شعبہ بیرونی مریضوں میں تقریباً دو سو مریض زیر علاج ہیں۔ پرائمری ہیلتھ سنٹر میں مریضوں کو خون کے مختلف ٹیسٹ ،سفید خون کے خلیوں کی گنتی، نمکین، ادویات دی جاتی ہیں۔

انہوں نے کہا کہ پچھلے تین مہینے میں زیادہ تر نوجوان بیماری میں مبتلا ہو رہے ہیں، وجہ ہے کہ وقت پر کھانا نہیں کھانا اور شہر میں آلودگی کی وجہ سے صحت پر اثر ہو رہا ہے۔