ریاست مہاراشٹر کے شہر مالیگاؤں میں اردو میڈیا سینٹر پر حکومت مہاراشٹر کی وزارت ٹیکسٹائل جائزہ کمیٹی کے صدر عبداللطیف انور کی جانب سے پریس کانفرنس منعقد کی گئی۔ اس دوران انہوں نے پاورلوم صنعت کی ترقی اور بنکروں کے مسائل پر تبادلۂ خیال کیا۔ عبداللطیف انور نے کہا کہ پاورلوم صنعت گزشتہ کئی برسوں سے معاشی بحران سے دوچار ہے۔ اسی بنیاد پر بُنکر تنظیموں کے ذمہ داران حکومت تک شکایتی مکتوب روانہ کرتے ہیں۔ Malegaon Power Loom Industry
اس بات کو مدنظر رکھتے ہوئے وزیر ٹیکسٹائل اسلم شیخ نے کابینہ کے سامنے ایک جائزہ کمیٹی کی تشکیل دی اور جن بڑے شہروں میں پاورلوم کی تعداد زیادہ ہے ان شہروں سے نمائندوں کا انتخاب کیا گیا۔ عبداللطیف انور نے کہا کہ یکم اپریل کو یہ جائزہ کمیٹی مالیگاؤں پاورلوم صنعت کا جائزہ لینے کے لیے مالیگاؤں آئے گی۔ اس تعلق سے مالیگاؤں حج ہاؤس میں پاورلوم صنعت اور بنکروں کے مسائل سے متعلق ایک پروگرام یکم اپریل بروز جمعہ دوپہر 3 بجے سے 5 بجے تک رکھا جائے گا۔ انہوں نے اس پروگرام میں شہریان سے شرکت کی اپیل کی ہے۔ Review committee of Ministry of Textiles
