ممبئی: چندریان 3 کی کامیاب لینڈنگ کے بعد پورے ملک میں جشن کا ماحول ہے۔ لینڈنگ سے قبل پورے ملک میں دعاؤں کا سلسلہ جاری تھا۔۔ممبئی میں آج رضا اکیڈمی نے تاریخی مینارہ مسجد کے پاس مٹھائیاں تقسیم کر کے جشن منایا۔ رضا اکیڈمی کے صدر سعید نوری نے کہا کہ یہ بہت خوشی کی بات ہیںکہ بھارت واحد ایسا ملک ہے جس نے ایک بڑی کامیابی حاصل کی ہے۔ نوری نے کہا کہ اسکے ساتھ ساتھ ملک میں امن و امان کے ساتھ لوگ رہیں اور اس کامیابی میں مل جلکر ایک دوسرے کے ساتھ خوشیاں بانٹیں۔ ہر ایک کو اخوت بھائ چارہ کا پیغام دیں کیونکہ کہ آج دنیا میں بھارت اول مقام پر ہے لیکن ملک کی جو موجودہ صورت حالات ہے اُسے دیکھتے ہوئے ہم یہ کہتے ہیں کہ اگر یہ سب کچھ ختم ہو جائے نفرت کی جگہ اگر محبت قائم ہوجائے تو حقیقت میں ہم ہر معاملوں میں اول نمبر پر ہونگے۔۔۔اسلئے ہمیں ملک میں پہیلی بدامنی کو دور کرنا ہوگا۔۔تب بھارت کی دن دونی رات چوگنی ترقی طے ہے۔۔
یہ بھی پڑھیں: ISRO Scientist Mohammad Areeb اسرو کے سائنسداں مظفر نگر کے رہائشی محمد اریب کے گھر جشن کا ماحول
واضح رہے کہ گذشتہ روز قمری مشن چندریان 3 نے چاند کے جنوبی قطب کی سطح پر کامیابی کے ساتھ لینڈ کیا تھا۔ کرگیا ہے۔ چندریان 3 کے چاند پر کامیابی کے ساتھ لینڈ کے بعد ملک بھر میں جشن منایا گیا۔ بھارت چاند کی سطح پر سافٹ لینڈنگ کی پیچیدہ تکنیک میں کامیابی حاصل کرنے والا چوتھا ملک بن گیا ہے۔ اس سے قبل امریکہ، چین اور سویت یونین یہ کارنامہ انجام دے چکے ہیں۔
