راج ٹھاکرے کی اہلیہ کی کار نوی ممبئی کے پاس حادثے کا شکار ہوئی، کار میں شرمیلا ٹھاکرے اور ان کی بہن تھیں۔
ایم این ایس کے صدر راج ٹھاکرے اپنے کنبے کے ہمراہ ایکویرا دیوی کے درشن کے لیے لوناؤلا گئے تھے، راج ٹھاکرے اپنی کار سے واپس آرہے تھے تبھی یہ حادثہ پیش آیا۔
راج ٹھاکرے کی اہلیہ شرمیلا ٹھاکرے اور ان کی بہن کار کی پچھلی سیٹ پر بیٹھی تھیں۔
جب ان کی گاڑی سان پاڑہ سگنل پر پہنچی تو وہاں ایک آٹو رکشا سے ایک کار کی ٹکر ہونے کے بعد بریک لگی جس کے سبب پیچھے سے آرہی ایک دیگر کار نے راج ٹھاکرے کی کار کو ٹکر ماری۔
اس حادثے میں شرمیلا ٹھاکرے کو معمولی چوٹیں آئیں۔
