روزانه لوکل ٹرین سے ممبئی اور مضافاتی علاقوں کے لئے 70 لاکھ مسافر سفر کرتے ہیں۔ کورونا کے سبب یہ تعداد کم ہوسکتی ہے لیکن محکمۂ ریلوے اور آر پی ایف ان دنوں اس گینگ کو لےکر فکرمند ہے جو ریلوے پٹریوں کے کنارے کھڑے ہوکر لوکل ٹرین میں دروازے پر کھڑے ہونے والوں پر حملہ کرکے ان کے موبائل فون اور پرس یا دوسرا سامان جو وہ ہاتھ میں لئے رہتے ہیں، اسے چھین لیتے ہیں۔
یہ وارداتیں ممبئی سے متصل علاقے سیوڑی، وڈالا اور گوونڈی جیسے علاقوں میں روزانہ پیش آتے ہیں۔ یہ علاقے ریلوے پٹریوں سے متصل ہیں۔
یہ بھی پڑھیں:مہاراشٹر میں مندروں کو کھولنے کا مطالبہ کرتے ہوئے بی جے پی کا احتجاج
ریکارڈ کے مطابق سنہ 2019 میں اس گینگ کے خلاف 519 معاملے درج ہوئے۔ جنوری سے مارچ 2020 تک 70 معاملے درج کئے گئے اور اس طرح سے ہر مہینے 25 معاملات سامنے آرہے ہیں۔ سینٹرل ریلوے نے وڈالا، جی ٹی بی نگر، کنگ سرکل، ماہم، کوپرکھیرنے، ڈومبیولی، تھانے، ناہور اور ٹھاکرلی سمیت کئی جگہوں پر ایسے جوانوں کو تعینات کیا ہے، جو اب اس گینگ اور اس طرح کی واردات پر نظر رکھیں گے۔ ان کے خلاف کارروائی کے لئے ہمہ وقت تعینات رہیں گے تاکہ اس طرح کی وارداتوں میں کمی آئے۔
