سول ڈیفنس میں تعینات خاتون اہلکارکی قتل کی تفتیش سی بی آئی سے کرانے کا مطالبہ

مہاراشٹر مسلم عوامی کمیٹی نے دہلی سول ڈیفنس میں تعینات خاتون اہلکار کے ساتھ ہوئی جنسی زیادتی اور بہیمانہ قتل کی تفتیش سی بی آئی سے کرانے کا مطالبہ کیا ہے۔

ریاست مہاراشٹر کے اورنگ آباد شہر میں مسلم عوامی کمیٹی نے دہلی کے سیول ڈیفنس میں تعینات خاتون اہلکار کی قتل کی کی تفتیش سی بی آئی سے کرنے کا مطالبہ کیا ہے۔ انہوں نے الزام عائد کرتے ہوئے کہا کہ' اعلی افسران کی بدعنوانی اور اسکنڈل پر پردہ ڈالنے کے لیے سول ڈیفنس میں تعینات متاثرہ کو سفاکانہ طریقے سے راستے سے ہٹایا گیا۔واردات کے دو ماہ بعد بھی متاثرہ کے قاتلوں تک پہنچنے میں پولیس ناکام رہی جس پر تنظیم کے کارکنان نے ناراضگی کا اظہار کیا۔

جانچ کا مطالبہ کرتے ہوئے عوامی کمیٹی نے دس ہزار دستخطوں پر مشتمل ایک ضخیم فائل صدر جمہوریہ اور ہیومن رائٹس کمیشن کو روانہ کی ہیں، کمیٹی کا کہنا ہیکہ اعلی افسران کی بدعنوانی اور اسکنڈل پر پردہ ڈالنے کے لیے متاثرہ کو سفاکانہ طریقے سے راستے سے ہٹایا گیا اور اب پولیس اس معاملے کو دوسرے رخ پر ڈالنے کی کوشش کررہی ہے۔ مسلم عوامی کمیٹی نے اس پورے معاملے کی سی بی آئی جانچ کا مطالبہ کیا ہے۔