'بی جے پی کے زیر اقتدار ریاستوں میں پُر تشدد مظاہرے'

نیسنلسٹ کانگریس پارٹی کے ترجمان نواب ملک نے کہا کہ 'شہریت ترمیمی ایکٹ (سی اے اے) اور نیشنل رجسٹر آف سٹیزن (این آر سی) کے خلاف احتجاج پُرتشدد ہو رہا ہے کیوں کہ بی جے پی حکمران ریاستوں کی پولیس اس سے نمٹنے کے قابل نہیں ہے'۔

ملک میں شہریت ترمیمی ایکٹ اور شہریوں کے قومی رجسٹر کے خلاف احتجاج جاری ہے۔ انہوں نے کہا کہ 'یہ سچ ہے کہ بی جے پی کی حکمرانی والی ریاستوں میں یا جہاں دہلی کی طرح محکمہ داخلہ پر اس کا کنٹرول ہے، وہاں تشدد ہے ، اور پولیس اس سے نمٹنے کے قابل نہیں ہیں'۔

سی اے اے کے خلاف ملک کے مختلف حصوں میں مظاہرے تیز ہوگئے ہیں۔

اترپردیش میں مظاہروں کے دوران 10 افراد کی موت ہوگئی ہے۔