واضح رہے مہاراشٹر حکومت میں سماجی انصاف کے وزیر دھننجئے منڈے پر عصمت دری کا الزام عائد کیا گیا ہے اور اقلیتی امور کے وزیر نواب ملک کے داماد کو منشیات کے ایک کیس میں گرفتار کیا گیا ہے۔
سنجے راؤت نے آج اپنے کنبہ کے ہمراہ این سی پی کے سربراہ شرد پوار سے 'سلور اوک' رہائش گاہ پر ملاقات کی۔ راوت کی اہلیہ ورشا راوت کی پی ڈی سی بینک گھوٹالہ کے سلسلے میں ای ڈی کے ذریعہ تحقیقات کی جار ہی ہیں۔
ملاقات کے سلسلے میں جب ان سے سوال کیا گیا تو سنجے راوت نے کہا کہ ان کی بیٹی شوپلم کی شادی کے سلسلے میں ملاقات کرنے آئے ہیں۔
شرد پوار سے ملاقات کے بعد راوت سے صحافیوں نے دھننجے منڈے کے استعفی کے بارے میں پوچھا تو انہوں نے مرکز کی مودی سرکار پر طنز کرتے ہوئے کہا کہ اگر اپوزیشن الزامات کی وجہ سے استعفیٰ دینا چاہتے ہیں تو انہیں روزانہ استعفی دینا پڑے گا۔ انہوں نے یہ بھی نشاندہی کی کہ دہلی میں جاری کسانوں کے احتجاج پر مودی کے خلاف بہت سے الزامات لگائے جا رہے ہیں۔
انہوں نے مزید کہا کہ اپوزیشن الزامات لگا رہی ہے۔ لیکن آئین میں یہ نہیں لکھا گیا ہے کہ ہر الزام کا جواب دینا ضروری ہے۔ مخالفین زیادہ سے زیادہ الزامات لگائیں۔ مہاویکاس اگھاڑی مضبوط ہے ۔اور ان الزامات سے حکومت کو کوئی خطرہ نہیں ہے۔
