مہاراشٹر کے اورنگ آباد میں گزشتہ تین دن سے مراٹھا کرانتی مورچہ کے ارکان احتجاج کررہے تھے۔ احتجاج کرنے والوں کا کہنا تھا کہ حکومت نے مراٹھا ریزرویشن احتجاج کے دوران اپنی جان قربان کرنے والوں کے گھر کے کسی ایک رکن کو سرکاری ملازمت دی جائیگی اور ساتھ ہی لواحقین کو رقم دینے کا تیقن دیا تھا، لیکن ابھی تک ریاستی حکومت نے مہلوکین کے افراد خاندان کےارکان کو نہ ملازمت دی اور نہ ہی رقم فراہم کی۔
اس سلسلے میں مل مراٹھا کرانتی مورچہ کے لوگ پچھلے تین دنوں سے اورنگ آباد کے کرانتی چوک علاقے میں اپنا احتجاج درج کروا رہے تھے، اورنگ آباد سٹی پولیس نے ان تمام احتجاج کرنے والے افراد کو کرانتی چوک سے ہٹادیا۔ اور مظاہرین کو ہراست میں لیا۔
احتجاجیوں کاکہنا ہے کہ وہ جمہوری انداز میں احتجاج کررہے تھے لیکن پولیس اہلکاروں نے ان کے ساتھ زیادتی کی اور احتجاجی دھرنے کو ختم کردیا۔
