وزیراعظم نریند مودی پونے میں منعقد اعلی پولیس افسران اور انسپیکٹر جنرلس کی قومی تقریب میں حصہ لینے کے لیے پہنچے تھے جہاں ریاست کے وزیراعلیٰ ادھو ٹھاکرے نے ان کا استقبال کیا۔
اس تین روزہ تقریب میں تمام ریاستوں کے اعلی پولیس افسران اور خفیہ ایجنسیز کے سربراہان شرکت کریں گے اور داخلی حفاظتی امور پر تبادلۂ خیال کریں گے۔
ریاستی افسران کے مطابق وزیراعظم مودی کا استقبال کرنے کے بعد وزیراعلیٰ ادھو ٹھاکرے پونے سے ممبئی کے لیے روانہ ہوگئے، اس دوران ریاست کے سابق وزیراعلیٰ دیویندر فڑنویس، ویزر داخلہ امیت شاہ، گورنر بھگت کوشیاری بھی ایئرپورٹ پر نریندر مودی کے استقبال کے لیے موجود تھے۔
واضح رہے کہ مہاراشٹر میں حکومت سازی کے لیے جاری رسہ کشی کے بعد بی جے پی اور شیوسینا اپنا 30 برس پرانا اتحاد کتم کردیا تھا جس کی سب سے اہم وجہ یہ بتائی جاتی ہے کہ دونوں پارٹیاں ریاست میں اپنی پارٹی کے امیدوار کو وزیراعلیٰ بنانا چاہتی تھیں۔
