اورنگ آباد: ونچت بہوجن اگاڑی کے صدر پرکاش امبیڈکر کا کہنا ہے کہ انسانیت سیاست کی بنیاد پر ہے، لیکن ہمارے ملک میں آر ایس ایس اور بی جے پی نفرت کی سیاست کرنے میں لگی ہے۔ ان کی نفرت صرف مسلمانوں تک ہی محدود نہیں ہے بلکہ اب ریزرویشن کے نام پر مراٹھاؤں اور او بی سی میں بھی اب نفرت پیدا کرنے کی کوشش شروع کر دی ہے، لیکن اب آر ایس ایس اور بی جے پی ریزرویشن کے معاملے میں کتنی کامیاب ہوتی ہے وہ دیکھنے والی بات ہے۔
2024 پارلمانی انتخابات کو لے کر پرکاش امبیڈکر نے کہا ہے کہ، ہم نے مہا وکاس اگاڑی کو پروپوزل دیا ہے کہ، چاروں ہی پارٹیوں کو 12، 12 سیٹ دینی چاہیے کیونکہ 2024 میں بی جے پی کو ہرانے کے لیے صرف ہمیں انتخابات میں ایک ساتھ کھڑا ہونا ہے، اور جس طرح سے بی جے پی سیاست کر رہی ہے ہمیں اس کے خلاف بھی کھڑے ہونا چاہیے۔
ساتھ ہی پرکاش امبیڈکر نے کہا ہے کہ ہم جس بھی پارٹی کے ساتھ الائنس کریں گے، ہم وہاں پر مسلمان امیدواروں کو بھی انتخابات کے لیے کھڑا کریں گے، چاہے وہ امیدوار جیتیں یا ہاریں گے وہ الگ بات ہے۔اور سبھی سیاسی پارٹیوں کا یہ حق ہے کہ وہ ان کے حساب سے امیدواروں کو انتخابات میں کھڑے کرے۔
پرکاش امبیڈکر کا کہنا ہے کہ بی جے پی اور آر ایس ایس نے مسلمانوں کو مہرا بنایا ہے۔ایک دوسرے کو لڑانے کی بھی کوشش کی جا رہی ہے۔وہ اپنی کے مبطابق پالیسی کرتے ہیں۔ان کی پالیسی نفرت کی سیاست ہے۔اب مسلم رہنماوں کو اپنے لوگوں کو اس سے پوری طرح بیدار کریں تاکہ ووٹوں کی تقسیم نا ہو۔
حضرت محمّد صلی اللہ علیہ وسلم کے خلاف گستاخی کے سوال پر پرکاش امبیڈکر نے کہاکہ اس طرح کی حرکتوں پر قابو پانے کے لئے ونچت بہجن گاڑی نے اسمبلی میں آواز اٹھائی تھی۔اس پر حکومت کی جانب سے منظوری بھی مل گئی ہے۔ مسلمانوں سے پرکاش امبیڈکر کرنے اپیل کی ہے کہ وہ بل کی حمایت میں کھڑے رہیے، کیونکہ جو نفرت کی سیاست کرتے ہیں، ان پر قانونی طریقے سے کاروائی کی جا سکے گی۔
یہ بھی پڑھیں:اورنگ آباد میں پارلیمانی انتخابات کو لے کر سیاسی لیڈران سرگرم
370 ایکٹ کو لے کر پرکاش امبیڈکر نے بات کرتے ہوئے کہا کہ جب سپریم کورٹ نے اس پر اپنا فیصلہ دے دیا ہے، تو ہم لوگ اس پر چرچہ نہیں کر سکتے۔اس سلسلے میں صرف پارلیمنٹ میں ہی بحث ہو سکتی ہے۔اس کے کہیں نہیں۔
