موسم باراں میں ریاست کی تمام سڑکوں پر چاروں طرف گڑھے ہی گڑھے نظر آرہے ہیں اور ان شاہراہوں پر ہونے والے گڑھے شہریوں کے لئے جان لیوا ثابت ہو رہے ہیں اور ایک کے بعد ایک سڑک حادثہ پیش آرہا ہے۔
گرشتہ ایک ہفتہ سے ہورہی موسلادھار بارش کے سبب ریاست مہاراشٹر کے شہر بھیونڈی کی زیادہ تر سڑکیں گڑھوں میں تبدیل ہوکر جان لیوا ہوچکی ہے اور چھوٹے بڑے حادثہ بھی ہورہے۔
جبکہ ممبئی ناسک شاہراہ نمبر 3 چھوٹے بڑے گڑھے سڑکوں پر چیچک کی طرح عیاں ہورہے ہیں اور کچھ گڑھے تو بھیانک شکل اختیار کرچکے ہیں۔
اسی شاہراہ پر ایک موٹر سائیکل سوار ستیش سکھارے 46 برس رہائشی بھادوڑ موٹر سائیکل سے گزر رہے تھے اسی درمیان سونالے گاؤں کے نزدیک گڑھوں کے سبب ان کی موٹر سائیکل کا توازن بگڑگیا اور موٹر سائیکل سلیپ ہوگئی۔ ابھی وہ سنبھل ہی پاتے کہ پیچھے سے آرہے ایک تیز رفتار کنٹینر نے روند دیا۔
اس حادثے میں ستیش کی جائے وقوع پر ہی موت ہوگئی۔ اس حادثہ کی اطلاع موصول ہوتے ہی بھیونڈی تعلقہ کی ٹیم نے جائے وقوع پر پہنچ کر لاش کا پنچنامہ کر پوسٹ مارٹم کے لئے اندرا گاندھی سب ضلع ہسپتال بھیج کر معاملہ درج کر تحقیقات شروع کردی ہے۔
