ممبئی : 26 جنوری یعنی یوم جمہوریہ کے موقع پر مہاراشٹر اسٹیٹ اردو ساہتیہ اکادمی جو کہ ریاستی حکومت کے اقلیتی ترقی کے محکمے کے تحت ہے، اس کے زیر اہتمام 26 جنوری کو گیٹ وے آف انڈیا پر 'جشنِ ہندوستان' مشاعرہ منعقد کیا جائیگا۔ اس مشاعرے میں ملک بھر سے 17 نامور شعراء شرکت کریں گے۔ لوگ کثیر تعداد میں اس مشاعرہ میں شرکت کریگی۔
اس پروگرام میں وسیم بریلوی، کلیم ثمر، مدن موہن دانش، شارخ کیفی، رنجیت چوہان، حامد اقبال صدیقی، شاہد لطیف، قیصر خالد، قمر صدیقی، ڈاکٹر ذاکر خان ذاکر،سمیر ساونت، ڈاکٹر پرگیہ وکاس، محشر فیض آبادی، نذر بجنوری، عبید اعظم اعظمی جیسے شاعر مشاعرے میں اپنا کلام پیش کریں گے۔ اس مشاعرہ میں اسمبلی سپیکر ایڈووکیٹ راہل نارویکر کے ساتھ وزیر اعلیٰ ایکناتھ شندے، نائب وزیر اعلیٰ دیویندر فڑنویس، دیگر معززین کے ساتھ ساتھ ادب کے شعبے سے وابستہ متعدد نامور شخصیات کی شرکت متوقع ہے۔
سن 2013 سے ہر برس یہ مشاعرہ گیٹ وے آف انڈیا پر یوم جمہوریہ کے موقع پر منعقد کیا جاتا تھا۔ لیکِن کورونا کی وجہ سے دیگر تقریبات کی طرح اس پر بھی روک لگا دی گئی تھی۔ لیکِن جیسے سختیوں میں راحت ملی تو اس کے بعد اس کو لےکر ادب سے وابستہ افراد نے اصرار کیا کہ اسے دوبارہ سے شروع کیا جائے ۔اس مشاعرہ کے انعقاد کے لئے 14 محکموں سے اجازت لینی ہوتی ہے اسلئے حکومت سے اجازت ملنے کے بعد اُردو ساہتیہ اکیڈمی کے سی ای او شعیب ہاشمی نے قانونی چارہ جوئیوں کو مکمل کیا جسک ی وجہ سے مشاعرے کے لئے راہیں ہموار ہوئیں۔
مزید پڑھیں:Conducting Mushaira ممبئی میں 26 جنوری کو ہونے والے مشاعرے کو لے کر تذبذب
