ریاست مہاراشٹر کے دارالحکومت ممبئی کا ممبرا علاقہ ان دنوں عوام کی سیر و تفریح کا مرکز بنا ہوا ہے۔ یہاں اونچے اونچے پہاڑ دیکھ کر آپ کو ایسا ضرور لگے گا جیسے یہاں کوئی کوہستانی علاقہ ہے۔
آپ کو بتادیں کہ ممبئی سے متصل تھانے ضلع کا ممبرا علاقہ جو ان دِنوں عوام کے لیے سیر و تفریح کا مرکز بنا ہوا ہے۔ لوگ لوناوالا اور کھنڈالہ نہ جاکر یہیں بارش کے موسم کا لطف اٹھارہے ہیں۔
ممبرا چونکہ ممبئی سے متصل علاقہ ہے ممبئی کی بڑھتی آبادی اور مہنگائی کے سبب ممبرا کو لوگوں نے اپنا آشیانہ بنالیا ہے حالانکہ کورونا قوانین نافذ کیے گئے ہیں، اس لئے مقامی اور ممبئی میں مقیم لوگ سیر و تفریح کی غرض سے یہاں آتے ہیں۔
یہ بھی پڑھیں: ویری ناگ باغ سیاحوں کی دلچسپی کا مرکز
موجودہ وقت میں ممبرا کی کل آبادی 16 لاکھ سے بھی زائد ہے جب کہ 2013 کے سرکاری ریکارڈ کے مطابق فقط چار لاکھ باشندگان کا ہی اندراج ہے۔
یہ علاقہ مسلم اکثریتی ہے اس لیے ترقیاتی اور دوسری بنیادی ضرورتوں سے کوسوں دور ہے۔ حکومت کو چاہیے کہ ایسے علاقوں کی ترقی کے لیے اقدامات کیے جائیں تو سیاح بڑی تعداد میں راغب ہوں گے اور یہ حکومت اور ریاست کی ترقی کا سبب بن سکتا ہے۔
حکومت اگر اس علاقے کی فلاح و بہبود کے لئے کوئی ٹھوس قدم اٹھائے تو یقیناً یہ علاقہ بھی مہاراشٹر کے تفریحی مقامات کی فہرست میں درج ہوسکتا ہے۔
