ملکی معیشت کی ریڑھ کی ہڈی کہلانے والا مہاراشٹر کا دار الحکومت ممبئی میں کورونا وائرس (کووِڈ-19) کی رفتار تھمنے کا نام نہیں لے رہی ہے اور گذشتہ 24 گھنٹوں میں ریکارڈ 1418 نئے کیسز سامنے آنے کے بعد متاثرین کی تعداد منگل کی رات 54000 سے تجاوز کر گئی۔
سرکاری ذرائع کے مطابق کمرشیل سٹی (تجارتی شہر) ممبئی میں اب تک 54085 افراد متاثر ہو چکے ہیں۔ اس دوران 97 مزید افراد کی موت کے بعد ہلاکتوں کی تعداد 1954 ہو چکی ہے۔ ممبئی میں 515 متاثر مریضوں کے صحتیاب ہونے کے بعد اب تک صحتیاب ہونے والوں کی تعداد بڑھ کر 24209 پہنچ گئی ہے۔ راحت کی بات یہ ہے کہ مریضوں کی صحتیاب ہونے کی شرح 44.76 فیصد ہے۔
فی الحال ممبئی میں کورونا کے 27922 فعال کیسز ہیں۔
غور طلب ہے کہ پورے ملک میں کورونا وائرس سے متاثر دوسرے مقام پر واقع تملناڈو میں کورونا کے اتنے کیسز نہیں سامنے آئے ہیں جتنی کہ کمرشیل سٹی سے سامنے آئے ہیں۔ تملناڈو میں متاثرین کی کل تعداد 38716 ہی ہے جبکہ کل 349 افراد کی موتیں ہوئی ہیں۔
