ریاست مہاراشٹر کے ممبئی میں کورونا کے بڑھتے ہوئے کیسز کو روکنے کے لئے ممبئی مہانگر پالیکا نے موثر اقدامات اٹھایا ہے، جن عمارتوں میں پانچ سے زیادہ کورونا متاثر مل رہے ہیں، ایسی عمارتوں کو سیل کرنے کا کام جاری ہے۔
موصولہ اطلاعات کے مطابق مریضوں کی بڑھتی تعداد کے پیش نظر کارپوریشن کے ذریعہ ایسی سوسائٹیز کو اب مائیکرو کنٹینر قرار دیا جارہا ہے، جہاں 5 سے زائد کرونا کے مریض سامنے آرہے ہیں۔
مائیکرو کنٹینمنٹ زون اور فرش کو سیل کرنا شروع کردیا گیا ہے۔ اس وقت97 کنٹینٹ زونز کی 1169 عمارتوں کو سیل کر دیا گیا ہے۔
ٹی وارڈ کے ملنڈ میں سب سے زیادہ عمارتوں کو سیل کیا گیا ہے۔ اگر کسی معاشرے میں پانچ سے زیادہ مریض پائے جاتے ہیں تو ایسی عمارت کو سیل کردیا جاتا ہے۔ ایسی سوسائٹیوں کو اب مائیکرو کنٹینر قرار دیا جائے گا۔
سوسائٹیوں کو لازمی طور پر گیٹ کے باہر بل بورڈ لگانا ہوگا۔ کورونا قواعد پر عمل کرنے کا پابند ہونا ہوگا اور کسی بھی بیرونی فرد کو بلڈنگ یا سوسائٹی میں داخل ہونے کی اجازت نہیں ہونی چاہئے۔
بلدیہ نے متعلقہ ہاؤسنگ سوسائٹی کو ہدایت کی ہے کہ وہ ان سب کی نگرانی کرے اور قواعد کے نفاذ کی ذمہ داری قبول کرے۔ تاہم اگر سوسائٹی قوانین پر عمل درآمد نہیں کرتی ہے تو ایسی سوسائٹیوں پر 10 ہزار روپئے جرمانہ عائد کیا جائے۔
اس کے باوجود بھی اگر بلڈنگ یا سوسائٹی والے اسے نظر انداز کرتے ہیں تو جرمانہ کی رقم 20 ہزار وصول کی جائےگی۔
اس سلسلے میں کارپوریشن کی جانب سے ایک سرکیولر بھی جاری کیا گیا ہے۔ جن بلڈنگ یا سوسائٹی کو سیل کیا گیا ہے اس کے باہر پولس کا پہرہ لگا دیا گیا ہے، کسی بیرونی شخص کو داخلے کی اجازت نہیں ہے۔ ہاکرس کے علاوہ دیگر اشیائے ضروریہ کی چیزیں لانے والے سوسائٹی کے گیٹ تک اپنی خدمات انجام دیں گے۔
اگرکوئی فرد کورونا کی جانچ کرانا چاہتا ہے تو اسے لیب میں فون کرنا ہوگا اس کے بعد اس کی جانچ گھر میں آکر کی جائے گی۔ کورونا مثبت مریض کے گھر سے نکلنے پر ایف آئی آر درج کرکے سخت سے سخت کاروائی کی جائےگی۔
کورونا کو کنٹرول کرنے کے لئے طرح طرح کے اقدامات کیے جا رہے ہیں، جن میں مریضوں کی انتہائی باریک بینی سے جانچ، کورنٹائن اور علاج کا سلسلہ بھی جنگی پیمانے پر جاری ہے۔
ساتھ ہی مریض کے رابطے میں آنے والے لوگوں کی بھی تلاش کی جارہی ہے۔ مقامی اسسٹنٹ کمشنر کو یہ اختیارات بھی دیے گئے ہیں کہ کثیر المنزلہ اور اونچی عمارتوں میں کورونا مثبت پائے جاتے ہیں تو دیگر لوگوں کو بغیر کسی پریشانی کے کاروائی کی جائے۔
واضح رہے ممبئی کے سلم ایریا (کچی بستی) میں بہت سارے علاقے ایسے ہیں جہاں کورونا متاثرین کی تعداد بہت زیادہ ہے۔ اس لئے ان علاقوں میں کورونا کی جانچ کی مہم زورو شور سے جاری ہے۔
اسی کے ساتھ گرانٹ روڈ، پریل، اندھیری، ملبارہل اور دیگر علاقوں میں گزشتہ دنوں 79 عمارتوں کو سیل کیا گیا تھا مگر اب ان کی تعداد 187 ہوگئی ہے۔ اندھیری ویسٹ اور پریل علاقوں میں37 عمارتوں کو سیل کیا گیا ہے۔
