مہاراشٹر کے دارالحکومت ممبئی میں لاک ڈاؤن کا خاصا اثر دیکھنے کو مل رہا ہے اور اس دوران کئی جگہوں پر پولیس کی سختیاں دیکھنے کو ملرہی ہیں۔ کئی جگہوں پر پولیس نے لوگوں کو بسکٹ تقسیم کرکے ان کی مدد کرنے کی کوشش کی۔
ممبئی کے چھترپتی شیواجی ٹرمنس یعنی فورٹ علاقے میں جہاں ہمیشہ سیاحوں کا ہجوم رہتا ہے ہے یہ جگہ اب بالکل سنسان نظر آرہی ہے لیکن چند افراد اس کی خلاف ورزی کرتے ہوئے بھی بلا ضرورت اپنے گھروں سے باہر نکلنے کی کوشش کررہے ہیں ایسے لوگوں کے خلاف پولیس سختی سے پیش آرہی ہے۔
مرکزی وزارت صحت کے جاری کردہ بیان کے مطابق ملک بھر میں کووِڈ-19 کے کل کیسز کی کل تعداد 649 ہے جس میں اب تک 43 مریض صحتیاب ہوئے ہیں اور 13 فراد کی موت واقع ہوئی ہے۔
خیال رہے کہ مہاراشٹر میں کورونا وائرس سے متاثر مریضوں کی سب سے زیادہ تعداد ہے یعنی کہ یہاں کل 124 معاملے سامنے آئے ہیں۔
اس تعلق سے مرکزی حکومت نے ملک بھر میں 21 دنوں کے لاک ڈاؤن کا اعلان کیا ہے جس کا آج دوسرا دن ہے۔
