ممبئی اے ٹی ایس کو اس وقت بڑی کامیابی ملی جب اس نے فرضی کال سینٹر چلانے والے گروہ کے سرغنہ کو حیدرآباد سے گرفتار کیا ہے۔
تفصیلات کے مطابق ممبئی اے ٹی ایس نے حال ہی میں فرضی کال سینٹر چلانے کے معاملے مین چار افراد کو گرفتار کیا تھا جبکہ اس معاملے کا ماسٹر مائنڈ کو پولیس کی تلاش تھی۔
اس گروہ کے ماسٹر مائنڈ کو پولیس نے جنوبی ریاست تلنگانہ کے دارالحکومت حیدرآباد سے گرفتار کیا ہے۔
اے ٹی ایس کو خفیہ معلومات ملی تھی کہ ممبئی سمیت اطراف میں غیہر ٹیلی فون ایکسچینج جاری ہے جس کے بعد اے ٹی ایس نے پانچ مقامات جن میں شیواجی نگر، مسجد بندر، ورلی، ڈونگری اور پنویل میں چھاپہ مار کر غیر قانونی ٹیلی فون ایکسچینج کو بے نقاب کر کے سات افراد کو گرفتار کیا۔
پولیس نے ان کے قبضے سے ڈیل کمپنی کا ایک سرور، مختلف کمپنیز کے 9 سم باکس، مختلف کمپنیوں کے تقریباً دو ہزا سم کارڈز، تین لیپ ٹاپ، چار ڈیسک ٹاپ، سات وائی فائے راؤٹرز، انٹرنیٹ سوئچ اور گیارہ موبائل فونز برآمد کئے ہیں۔
اے ٹی ایس نے ملزم کو عدالت میں پیش کیا تھا جہاں 9 ستمبر تک پولیس کسٹدی میں بھیجا گیا ہے۔
