ممبرا: موٹر سائیکل چوری کرنے والے گروہ کا پردہ فاش

ممبرا میں موٹر سائیکل چوری کرنے والے گروہ کے چار شاطر بدمعاشوں کو پولیس نے گرفتار کیا ہے ان کے نشاندہی پر لاکھوں روپے کی مالیت اور 14 موٹر سائیکل برآمد ہوئے ہیں ۔

ریاست مہاراشٹر کے مسلم اکثریتی شہر ممبرا میں موٹر سائیکل چوری کرنے والے گروہ کے چار شاطر بدمعاشوں کو خفیہ اطلاع کی بنیاد پر پولیس نے گزفتار کیا ہے ملزمین کی نشاندہی پر پولیس نے لاکھوں روپے کی مالیت اور 14 موٹر سائیکل برآمد کئے ہیں۔

ممبرا پولیس اشٹیشن کے سینئر پولیس انسپکٹر مدھوکر کڈ نے بتایا کہ 'شہر اور مضافات کی پارکنگ سے بدمعاش موٹر سائیکل کا لاک توڑ کر موٹرسائیکل لے کر فرار ہوجاتے تھے، موٹر سائیکل کا پیٹرول ختم ہونے پر اسے وہیں چھوڑ دیتے تھے اور پھر دوسری گاڑی کو نشانہ بناتے تھے. اس طرح موٹر سائیکل چوری ہونے کی واردات سے ممبرا کے موٹر سائیکل مالکان میں زبردست خوف وہراس کا ماحول تھا اور پولیس کے لیے بھی یہ شاطر چور سردر بنے ہوئے تھے.

ممبرا پولیس کی ٹیم اس گروہ کا پردہ فاش کرنے کے لئے کئی مہینے سے الرٹ تھی اسی درمیان پولیس کو خفیہ اطلاع موصول ہوئی کہ کچھ شاطر چور موٹر سائیکل چوری کو انجام دینے والے ہیں.

اس دوران پولیس نے جال بجھاکر ملزم ارشد، سورج رام ، امان رضا ، سفیان شمیم انصاری کو گرفتار کر لیا، پولیس نے جب ملزمین سے پوچھ تاچھ کی تو انہوں نے بتایا کہ ممبرا اور ڈائیگھر علاقے سے ہیرو ہونڈا، ایکٹیوا، پلسر ، یونیکارن ،ڈیو سمیت مختلف موٹر سائیکل کی چوری کی ہے.
فی الحال پولیس چاروں ملزمین سے تفتیش کررہی ہے.