ممبئی: ریاست مہاراشتر کے ممبئی میں گاندھی جینتی پر پرامن مارچ کو پولس نے زبردستی روک کر نہ صرف یہ کہ مظاہرہ کو سبوتاژ کرنے کے لئے لیڈران کو زیر حراست لیا بلکہ انڈیا الائنس کے لیڈر اور رکن اسمبلی ابوعاصم اعظمی کو جبرا پولیس وین میں ڈال کر حراست میں لیا گیا اعظمی نے اسے ڈکٹیٹرانہ عمل قرار دیتے ہوئے ریاستی سرکار مردہ باد کا نعرہ بھی بلند کیا۔
رکن اسمبلی اور سماج وادی پارٹی کے سنئیر رہنما ابوعاصم اعظمی نے کہا کہ سرکار انڈیا الائنس سے خوفزدہ ہے ۔اس لئے اس نے پرامن احتجاج سے قبل ہی ہمیں گرفتار کرلیا ۔یہ عمل جمہوریت کے خلاف ہے سرکار ہماری آواز دبانےکی کوشش کرے گی۔اس کے باوجود انڈیا انتہائی مستحکم ہے۔ یہ انڈیا الائنس سے اس قدر خوفزد ہ ہے کہ انڈیا کے جگہ اب بھارت نام کی اصطلاح لائی ہے۔
یہ بھی پڑھیں:Muslim Reservation مسلم ریزرویشن کی حمایت میں شہروں میں اجلاس منعقد کیے جائیں گے: حسین دلوائی
انہوں نے کہا کہ انڈیا الائنس کے مقبولیت سے سرکار پریشان ہے اس لئے پرامن مورچہ پر کارروائی کی گئی اور گاندھی جینتی پر پرامن مورچہ کو دبانے کے لئے ہمیں زیر حراست لیا گیا۔ یہ سراسر غلط ہے۔ اعظمی نے اس پر افسوس کا اظہار کرتے ہوئے سرکار کی کارروائی کی مذمت کی اور کہا کہ پولس پر دباؤ ڈال کر کارروائی کروائی گئی ہے۔
