اورنگ آباد شہر کے مجلس اتحاد المسلمین کے صدر سمیر ساجد بلڈر نے کہا ہے کہ چینی فوجیوں نے ہمارے ملک کے فوجیوں کو شہید کیا ہے جس کے خلاف ہم میں غم و غصہ ہے۔ اورنگ آباد کے دارالسلام کے باہر چین کے صدر کے پتلے کو کالک پوت کر نذر آتش کیا گیا۔
اے آئی ایم آئی ایم کے شہر صدر سمیر ساجد کا کہنا ہے کہ،'' حکومت کو چین کے ساتھ تمام تعلقات ختم کردینے چاہیے اور چین کو کرارا جواب دینا چاہئے۔ ساتھ ہی چین کی طرف سے آنے والی ہر چیز کا بھی بائیکاٹ کرنا چاہئے۔''
سمیر ساجد نے کہا ہے کہ "آر ایس ایس کے سربراہ موہن بھاگوت کہتے ہیں کہ ہم پاکستان کی سرحد پر جا کر اُسے تین دن میں تہس نہس کر دیں گے تو اب وہ کہاں گئے؟ چین کے بارڈر پر جاکر ہمارے جوانوں کا ساتھ کیوں نہیں دیتے؟"۔
ساتھ ہی سمیر ساجد نے کہا کہ اگر ملک کو جس وقت بھی ہماری ضرورت پڑیگی ہم بارڈر پر جانے کے لیے تیار ہیں۔
