کافی دنوں سے شکایتیں موصول ہو رہی تھیں کہ دہیسر کے آر ناتھ وارڈ میں 'کووڈ وارڈ روم' میں موجود اہلکار عوام الناس کے فون نہیں اٹھاتے اور نہ ہی ان کی کوئی مدد کرتے ہیں یہ شکایت جوں ہی میئر کشوری پڈنیکر کو معلوم ہوئی وہ فوراً دہیسر پہنچ کر اسی روم میں داخل ہوگئیں۔ میئر کو اچانک اپنے سامنے دیکھ کر ملازمین ہکا بکا رہ گئے۔ میئر نے اپنے برہمی کا اظہار کرتے ہوئے کہا کہ آپ لوگوں کی ڈیوٹی کیا ہے؟
آپ لوگوں کو یہاں کیوں رکھا گیا ہے؟ تاکہ آپ لوگوں کے کال رسیو کرکے ان کی مدد کر سکیں۔ ممبئی کے لوگ پہلے ہی پریشانی کا شکار ہیں۔ اگر آپ انہیں مزید تکلیف دیتے ہیں تو یاد رکھیں اس سے آپ کو کوئی فائدہ نہیں ہوگا۔ میئر پڈنیکر کے تیور دیکھ کر بہت سارے ملازمین وہاں سے بھاگ کھڑے ہوئے۔
میئر نے اعلی آفسران کو بلا کر کہا کہ میں نے خود یہاں کال کیا چوتھی مرتبہ بیل بجنے پر کسی نے فون ریسیو کیا میں نے کہا کہ میں کورونا کی مریض بول رہی ہوں تو انہوں نے فون رکھا دیا مجھے وارم روم کے بارے میں بہت سی شکایات موصول ہوری تھیں۔ میں نے پہلے خودکال کیا تب مجھے اصلیت پتہ چلی۔ اگر آپ کہتے ہیں کہ میں میئر ہوں، اگر آپ میرے ساتھ اس طرح کا سلوک کر سکتے ہیں تو عام پبلک کے ساتھ کیا کرتے ہوں گے۔ میں آپ لوگو ں کو بتانا چاہتی ہوں کہ ممبئی کے لوگ پہلے ہی بہت پریشان نہیں انہیں اور زیادہ پریشان نہ کرو۔'
انہیں تمام سہولیات کو مناسب طریقے سے ملنا چاہیے۔ اگر آپ اسے نہیں دیتے ہیں تویاد رکھنا اس سے آپ کا کوئی فائدہ نہیں ہوگا۔ آپ کا واحد کام فون پر مناسب معلومات فراہم کرنا ہے۔ کیا تم اتنا کچھ نہیں کرسکتے؟
انہوں نے مزید کہا کہ ممبئی میں کورونا مریضوں کی تعداد بھی تیزی سے بڑھ رہی ہے۔ ممبئی کے مریضوں کو بستر کے لیے گھنٹوں انتظار کرنا پڑتا ہے۔ اگر آپ ممبئی میونسپل کارپوریشن کے تیار کردہ کمرے کو کال کریں تو آپ کو صحیح جواب نہیں ملے گا۔
میئر نے کہا کہ یہ سارے نظام ممبئی کے شہریان کے لیے ترتیب دیئے گئے ہیں اور ممبئی والوں کو اس کا فائدہ ملنا چاہئے۔ میئر نے مزید بتایا کہ ویکسین کی کمی کی وجہ سے کل ویکسینیشن کے35 مراکز کو ایک بار پھر بند کرنا پڑا۔ لیکن مرکزی حکومت کی جانب مثبت جواب ملنے پر ہمیں امید ہے کہ جلد ہی ویکسین آپ کو مل جائے گی۔ ہم بلدیہ کے چھوٹے اسپتال میں مائع آکسیجن تیار کررہے ہیں۔ ممبئی میں بستر کی کمی ہے ممبئی میں باہر سے زیادہ مریض آتے ہیں۔انہوں نے مزید بتایا کہ بہت جلد ہی کوویڈ کے 8؍نئے سینٹر تیار ہوجائیں گے۔
