کلیان شہر کی سڑک پر ہندو رسم کے مطابق پوجا ارچنا کرتے ہوئے ریاستی حکومت پر جم کر نکتہ چینی کی گئی اور احتجاجی طور پر ایک چھوٹے لڑکے کو خلا باز کا لباس پہنا کر اسے سڑک پر چلایا گیا۔
مہاراشٹر کے شہر کلیان کی عوام سڑکوں پر ہونے والے گڑھوں سے پریشان ہوچکے ہیں اور اسی کے سبب موجودہ ریاستی حکومت اور کارپوریشن انتظامیہ کی چوطرفہ تنقید کی جارہی ہے۔
جبکہ کارپوریشن انتظامیہ اور عوامی نمائندے اس برس زیادہ بارش ہونے کی بات کہہ کر اپنا پلا جھاڑ رہے ہیں جب کہ آئے دن شہر میں گڑھوں کے سبب حادثے پیش آرہے ہیں متعدد موٹر سائیکل سوار زخمی ہوجاتے ہیں یاپھر وہ سڑک حادثوں میں اپنی جان گنوا بیٹھتے ہیں۔
لیکن اس کے بعد بھی انتظامیہ ان گڑھوں کو لے کر سنجیدہ نہیں ہے اسی بات سے ناراض ہوکر مہاراشٹر نونرمان سینا کے مقامی کارکنان نے شرادھ پوجا کرتے ہوئے عوامی نمائندوں کے خلاف زبردست نعرے بازی کی۔
ان کارکنان نے ایک منفرد طریقے سے احتجاج کرتے ہوئے ایک لڑکے کو خلاء میں جانے کے دوران خلاباز کو پہنایا لباس علامتی شکل میں پہنا کر گڑھے والی سڑکوں پر چلایا گیا جس میں کرکنان کے ساتھ مقامی لوگوں نے بھی شرکت کی۔
