پونے: مہاراشٹر کے پونے میں دتاواڑی پولیس نے ایک مجرم کو دیسی ساختہ پستول اور کارتوس کے ساتھ گرفتار کیا ہے۔ دتاواڑی پولیس اسٹیشن کے سینئر پولیس انسپکٹر ابھے مہاجن نے بتایا کہ گرفتار ملزم ایک مجرم ہے اور اس کے خلاف پولیس اسٹیشن میں عصمت دری، نقب زنی اور غیر قانونی ہتھیار رکھنے جیسے سنگین جرائم کے مقدمات درج ہیں۔مقامی عدالت نے اسے دو دن کی پولیس حراست میں بھیج دیا ہے۔ پولیس نے قصبہ اسمبلی حلقہ میں 26 فروری کو ہونے والے ضمنی انتخابات کے پیش نظر مجرمانہ سرگرمیوں کو روکنے، امن و قانون اور نظم و ضبط کو برقرار رکھنے کے لئے علاقوں میں گشت کے دوران اطلاع ملنے پر جنتا وساہت کے رہنے والے گنیش نند کمار مہامونی کو گرفتار کیا۔پولیس نے اس کے قبضے سے ایک دیسی ساختہ پستول، دو کارتوس اور چالیس ہزار روپے کا ایک آتشیں اسلحہ برآمد کیا۔ پولس معاملے کی تحقیقات کر رہی ہے۔
دوسری جانب چھتیس گڑھ کے جگدل پور تھانہ بودھ گھاٹ علاقہ کے تحت اڈاول ریلوے کراسنگ کے سامنے کرنڈی جانے والی سڑک سے اتوار کو ایک ملزم کو دیسی ساختہ پستول اور کارتوس کے ساتھ گرفتار کیا گیا تھا۔ دراصل پولیس کو مخبر سے اطلاع ملی کہ ایک شخص رنگ سفید سیاہ جیکٹ اور سفید ٹی شرٹ اور کالے رنگ کا لوئر پہنے پلاسٹک بیگ میں دیسی ساختہ پستول اور گولیاں لے کر جا رہا تھا۔ اڑاول کرنڈی جاتے ہوئے ریلوے کراسنگ کے سامنے کھڑا ہے اور پستول اور گولیاں بیچنے والے گاہک کا انتظار کر رہا ہے۔ اڈاول ریلوے کراسنگ جگدلپور کے قریب مخبر کی اطلاع کے مطابق اسے گرفتار کر لیا گیا، پوچھ گچھ پر اس نے اپنا نام راہل تیواری ولد مرحوم ایشور تیواری، عمر 24 سال، گاؤں چپکا، تھانہ بھانپوری، ضلع بستر کا رہنے والا بتایا ہے۔
یہ بھی پڑھیں: Idols Vandalises in Aligarh Temple مندر میں مورتیاں توڑنے کے الزام میں ایک شخص گرفتار
یواین آئی
