ممتا بنرجی Mamata Banerjee سے ملاقات کے بعد آدتیہ ٹھاکرے Aaditya Thackeray نے بتایا کہ ’ترنمول کانگریس Trinamool Congress سے شیوسینا Shiv Sena کا پرانا رشتہ رہا ہے، تاہم اب تعلقات کو مزید مضبوط کرنے کی کوشش کی جائے گی۔
سنجے راوت نے کہا کہ ممتا بنرجی Mamata Banerjee کو وزیراعلیٰ ادھو ٹھاکرے سے ملنا تھا لیکن چونکہ وہ ہسپتال میں زیر علاج ہیں، اس لیے آدتیہ ٹھاکرے Aaditya Thackeray اور میں نے ان sy ملاقات کی۔ میٹنگ میں سیاسی امور کے علاوہ مغربی بنگال-مہاراشٹر کے تعلقات پر تبادلہ خیال کیا گیا۔ انہوں نے (ممتا) کہا کہ مہاراشٹرا اور مغربی بنگال، جنگجو ریاستیں ہیں جو کسی کے سامنے جھکیں گی نہیں۔
گزشتہ روز ممتا بنرجی Mamata Banerjee نے کہا تھا کہ وہ شیو سینا اور این سی پی کے ساتھ تعلقات استوار کرنے کی خواہاں ہیں۔ انہوں نے سدھی ونائک مندر کا دورہ کرکے وہاں 'جے مراٹھا، جے بنگلہ' کا نعرہ بھی لگایا۔
ترنمول کانگریس کی جانب سے مغربی بنگال کے باہر انتخابات لڑنے کی تیاری اور کانگریس کے بغیر اپوزیشن محاذ تشکیل کرنے کےلیے کوششیں کی جارہی ہیں۔ ایسے میں ممتا بنرجی کی ممبئی آمد کو کافی اہم مانا جارہا ہے۔
یہ بھی پڑھیں: وزیراعظم مودی نے ممتا بنرجی کی دعوت قبول کرلی
مغربی بنگال کی وزیراعلیٰ ممتا بنرجی آج نیشنلسٹ کانگریس پارٹی کے سربراہ شرد پوار سے ملاقات کریں گی۔ اطلاعات کے مطابق ممتا بنرجی یکم دسمبر کو مہاراشٹرا کے صنعت کاروں سے بھی ملاقات کریں گی، جس کا مقصد سرمایہ کاروں کو اپنی ریاست میں سرمایہ کاری کرنے کی دعوت دینا ہے۔
