مہاراشٹر کے مسلم اکثریتی شہر مالیگاؤں کے معروف سوشل ورکر رضوان بیٹری والا نے مسلمانان شہر سے اپیل کی ہے کہ عید کے موقع پر غریبوں اور بے سہارا لوگوں کی مدد کریں، بھوکوں کو کھانا کھلائیں اور عید دھوم دھام سے نہ مناتے ہوئے اس برس دوسروں کی مدد کریں
عید کا تہوار سادگی سے منانے کی اپیل
رضوان بیٹری والا نے اپیل کی ہے کہ مالیگاؤں شہر و معروف عالم دین علماء بھی یہی اپیل کر رہے ہیں کہ عید سادگی سے منائی جائے اور عید کے اس موقع پر لاک ڈاؤن اور کورونا وائرس کی زد میں آئے ہوئے تمام افراد کے شانہ بشانہ کھڑے رہا جائے۔
انھوں نے مزید کہا کہ عید کا مطلب ہی خوشی ہے اور حقیقی خوشی تو اس وقت نصیب ہوتی ہے جب کسی کی کھلے دل سے مدد کی جاتی ہے، آج دنیا اور ملک کے موجودہ حالات کے پیش نظر عید سادگی سے منائی جائے۔
