مالیگاؤں پولس انتظامیہ کی جانب سے شہر کے تقریباً 500 سے زائد مزدوروں میں بطور 'رمضان تحفہ' راشن کٹ تقسیم کیے گئے۔
اس راشن کٹ میں پانچ کلو گہیوں، پانچ کلو چاول، دو کلو تور ڈال، ایک کلو شکر اور چائے پتی وغیرہ شامل ہیں۔
اس موقع پر ضلع ایس پی آرتی سنگھ، اے ایس پی سندیپ گھوگے، ڈی وائی ایس پی رتناکر نوکے اور دیگر پولس اہلکار موجود رہے۔ اس روشن کٹ کی تقسیم مالیگاؤں سٹی پولیس اسٹیشن کے احاطہ میں گزشتہ روز عمل میں آئی۔
واضح رہے کہ ہر برس مالیگاؤں پولس انتظامیہ اور شہر امن کمیٹی کے زیر اہتمام افطار پارٹی کا انعقاد کیا جاتا رہا ہے لیکن رواں برس لاک ڈاؤن کی وجہ سے غریب و ضرورت مندو عوام میں راشن کٹ تقسیم کیے گئے ہیں۔
