مالیگاؤں شہر کے معذوروں کی جانب سے ان کے مطالبات مکمل نہ ہونے کی صورت میں بے مدت دھرنا جاری ہے، گزشتہ دو برسوں سے معذور افراد سرکاری دفاتر کے چکر کاٹ رہے ہیں لیکن انہیں یکسر نظر انداز کیا جا رہا ہے۔
دیویانگ سوسائٹی کی جانب سے کئی مرتبہ کارپوریشن اور دیگر اعلی آفیسران کے خلاف شکایت دی گئی اور 3 دسمبر کو عالمی یوم معذور پر احتجاجی ریلی کا نکالی گئی تھی، اس کے باوجود کارپوریشن اس جانب توجہ نہیں دی رہی ہے۔
اس طرح کا اظہار و خیال دیویانگ سوسائٹی کے صدر مدثر رضا نے کیا۔
مدثر رضا نے کہا کہ 'موجودہ رکن اسمبلی مفتی محمد اسماعیل قاسمی اور موجودہ میئر طاہرہ شیخ رشید نے کبھی بھی اس جانب توجہ نہیں دی۔
انہوں نے کہا کہ 'معذوروں کی تنظیم دیویانگ سوسائٹی میں ہزاروں کی تعداد میں معذور مرد و خواتین ہیں اور ہمارا مطالبہ ہیکہ شہر میں معذوروں کے دفتر کے لیے جگہ کی فراہمی، پینشن، روزگار اور دیگر سرکاری سہولیات جلد از جلد فراہم کرے ورنہ آئندہ دنوں میں دیویانگ سوسائٹی ممبئی اور دہلی میں جاکر کارپوریشن کے خلاف اپنے جائز حقوق کے لیے احتجاج کرے گی۔
