مالیگاؤں کی شہیدوں کی یادگار قدوائی روڈ تا ڈاکٹر امبیڈکر مجسمہ تک انسانی زنجیر میں سینکڑوں افراد نے شرکت کی جس میں برادران وطن بھی شامل تھے۔
اس موقع پر شہر کی طلباء تنظیموں کے نوجوانوں نے حکومت کی غلط پالیسوں کے خلاف جم کر نعرے بازی کی۔
اس پرامن مظارہے کی شروعات میں ڈاکٹر بابا صاحب امبیڈکر کے مجسمہ پر پھول ہار اور اختتام پر شہیدوں کی یادگار پر راشٹریہ گیت کا اہتمام بھی کیا گیا۔
انسانی زنجیر پروگرام مالیگاؤں اگینسٹ ہیٹ مہم کے بیبر تلے منعقد کیا گیا جس میں مالیگاؤں اسٹوڈنٹس آرگنائزیشن، پاپولرفرنٹ آف انڈیا، اسٹوڈنس اسلامک آرگنائزیشن، ایم آر گروپ، عادل اسپورٹس، الخدمت گروپ و دیگر تنظیموں کے اراکین نے شرکت کی۔
واضح رہے کہ گزشتہ روز قومی دارالحکومت دہلی میں ہونے والے تشدد میں 45 سے زائد افراد کی موت اور سینکڑوں افراد زخمی ہوئے ہیں جبکہ کروڑوں کی املاک کا بھی نقصان ہوا ہے۔
