مہاراشٹر کی سیاست میں شرد پوار کی شخصیت سے متاثر ہو کر ونچت بہوجن اگھاڑی کے سابق ایم ایل اے بلی رام شیرسکر اور ہری داس بھدے نے این سی پی میں شمولیت اختیار کر لی ہے۔
ان کی شمولیت جہاں این سی پی کے لیے فائدہ مند ہو سکتی ہے وہیں پرکاش امبیڈکر کے لیے یہ ایک بڑا دھچکا سمجھا جاتا ہے۔
ان دنوں مہاراشٹر حکومت کورونا کے ساتھ ساتھ حال ہی میں آئے نسرگ طوفان سے ہوئے نقصانات کی بھرپائی اور متاثرہ علاقوں کی باز آباد کاری میں مصروف ہے اور شرد پوار نے گزشتہ روز ہی نسرگ طوفان سے متاثرہ علاقوں کا دورہ کر کے متاثرین کی مدد کے لیے وزیر اعلیٰ ادھو ٹھاکرے سے ملاقات کی تھی۔
