اورنگ آباد میں مہاراشٹر اسٹیٹ وقف بورڈ کی میٹنگ آج

ریاست مہاراشٹر کے ضلع اورنگ آباد میں مہاراشٹر اسٹیٹ وقف بورڈ کی میٹنگ ہوگی۔ یہ میٹنگ کافی ہنگامہ خیز ہونے کے امکانات ہیں ۔ دراصل بالاپور وقف جائیداد کی جعلی این او سی دینے والے وکیل کو گرفتار کرلیا گیا ہے، اور وقف بورڈ کی جانب سے اس کے خلاف ایف آئی آر درج کرائی گئی ہے۔

اورنگ آباد شہر میں آج تین بجے مہاراشٹر اسٹیٹ وقف بورڈ کی میٹنگ ہو گی۔ یہ میٹنگ کافی ہنگامہ خیز ہوسکتی ہے۔

اے آئی ایم آئی ایم کے رکن پارلیمان اور بورڈ کے رکن امتیاز جلیل کا کہنا ہے کہ بالاپور وقف جائیداد کی جعلی این او سی دینے والے وکیل کو گرفتار کرلیا گیا ہے، اور وقف بورڈ کی جانب سے اس کے خلاف ایف آئی آر درج کرائی گئی ہے۔

امتیاز جلیل کا کہنا ہے کہ اسی طرز پر جالنہ روڈ وقف جائیدادوں پر قابض افراد کے خلاف بھی ایف آئی آر درج ہونی چاہئے۔

امتیاز جلیل کا کہنا ہے کہ وہ وقف جائیدادوں کے تحفظ کے لیے ہر ممکن اقدام کریں گے۔ ساتھ ہی اس میٹنگ میں کئی سارے اہم معاملات پر بات چیت کی جائے گی۔