ریاست مہاراشٹر کے معروف شہر بھیونڈی میں شانتی نگر پولیس اسٹیشن سے ملی اطلاع کے مطابق موبائل چوری، موٹر سائیکل چوری، چین چھیننے اور بینگ اسمگلنگ (نشلی اشیاء) ایسے پانچ واقعات کا ارتکاب کرنے کے الزام میں پولیس نے 5 افراد کو گرفتار کیا ہے۔
پولیس سے موصولہ اطلاع کے مطابق اکبر عرف جگگو جعفری (21) سالہ بھیونڈی، عتیق احمد انصاری (22) سالہ ساکن بھیونڈی، محمد ندیم قریشی (20) سالہ، کمل احمد انصاری (24) سالہ، محمد افضل وارثی (24) سالہ ساکن بھیونڈی کے خلاف مقدمات درج کیا گیا ہے۔
شانتی نگر پولیس نے ان تمام ملزمین کو گرفتار کرتے ہوئے ان کے قبضہ سے 12 موٹر سائیکل، ایک دیسی پستول دو زندہ کارتوس، 1 کلو 700 گرام بھنگ، ایک تلوار اور سونے کی چین برآمد کی ہے، جس کی مالیت 06 لاکھ روپے ہے۔
شانتی نگر پولس نے گرفتار ملزمین اور اس میں ملوث جرم سے متعلق تفتیش کررہی ہے.اس طرح کی معلومات یوگیش چوان (ڈپٹی کمشنر پولس بھیونڈی) نے دی ہیں۔
