کورونا کی چوتھی لہر کو دیکھتے ہوئے مرکزی حکومت نے مہاراشٹر حکومت کو ایک خط بھیجا ہے جس میں کورونا وبا کو روکنے کے لیے احتیاطی اقدامات اٹھانے پر زور دیا گیا ساتھ ہی مرکزی حکومت نے کہا ہے کہ دنیا کے کچھ ممالک میں کورونا کی چوتھی لہر بہت تیزی سے پھیل رہی ہے اسی لیے احتیاطی اقدامات پر ضلع انتظامیہ نظر رکھے۔ District Collectors Instructed Regarding Fourth wave of Corona
دنیا کے کچھ ممالک میں ایک بار پھر کورونا وبا اپنے پیر پسار رہی ہے اس سے کئی سارے ممالک میں بے چینی بڑھ گئی ہے۔
جنوب مشرقی ایشیا کے کئی حصوں میں کورونا وبا تیزی سے بڑھ رہی ہے۔ چین میں بھی کورونا کے مریضوں کی تعداد میں تشویشناک اضافہ ہوا ہے۔
اس طرح کا بیان مہاراشٹر کے وزیر صحت راجیش ٹوپے نے جالنہ میں صحافیوں سے بات کرتے ہوئے دیا۔
وزیر صحت راجیش ٹوپے نے کہا کہ چین اور کوریا میں مریضوں کی بڑھتی ہوئی تعداد کو دیکھتے ہوئے مرکز نے صورتحال سے نمٹنے کے لیے ریاست کے سکریٹری کو خط بھیجا ہے جس میں کہا گیا ہے کہ کورونا وبا سے بچنے کے لیے ضروری اقدامات کئے جائیں جس کے بعد ریاستی حکومت نے متعلقہ ضلع کلکٹرس کو مرکز کی ہدایات بھیجی ہے۔
راجیش ٹوپے نے یہ بھی بتایا کہ انہوں نے اس نازک صورتحال میں احتیاط برتنے کے لیے تمام ضلع کلکٹرز کو ضروری ہدایات دی ہیں۔
