چند روز قبل لاتور کے ہاسٹل میں ایک طالبہ کی کورونا رپورٹ مثبت آئی تھی جس کے بعد اس کے رابطے میں آنے والے دیگر طلباء کا بھی کورونا ٹیسٹ کیا گیا جس میں 40 طلباء کی رپورٹ مثبت آئی۔
ہاسٹل کے طلباء کے کورونا مثبت پائے جانے کے بعد اب اس بات پر بحث تیز ہوگئی ہے کہ ضلع میں اسکول اور کالجز شروع رکھے جائیں یا نہیں۔ سب کی نگاہیں انتظامیہ کے فیصلے پر مرکوز ہیں۔
واضح رہے کہ ضلع لاتور میں 23 نومبر سے اسکولز اور کالجز شروع کردئے گئے ہیں۔ ضلع کے نگراں وزیر امت دیشمکھ نے میٹنگ لے کر کورونا پر قابو پانے کے لیے احتیاطی اقدامات کی ہدایت جاری کی ہے۔
