ضلع ناسک میں آئندہ سال جنوری میں منعقد ہونے والے گرام پنچایت انتخابات کے سلسلے میں ایس پی سچن پاٹل (ناسک گرامین)، ایڈیشنل ایس پی شرمیشھا والوالکر، سب ڈویژنل پولیس آفیسرسومناتھ تمبے و دیگر نے غیرقانونی اسلحہ ضبط کرکے ملزمان کے خلاف کارروائی کا حکم دیا۔
اطلاعات کے مطابق لاسلگاؤں پولیس اسٹیشن کے انچارج ایس ایچ راہل کی رہنمائی میں غیرقانونی اسلحہ رکھنے والوں کے خلاف کارروائی کےلیے ایک پولیس ٹیم تشکیل دی گئی تاہم ایک خفیہ جانکاری کے بعد جوگپ نگر آبپاشی کالونی لاسالگاؤں میں کاروائی کرتے ہوئے ملزم کو گرفتار کرلیا اور اس کے قبضہ سے اسلحہ برآمد کرلیا۔
اس سلسلہ میں پولس نے ایکٹ 3/25 اور مختلف سنگین دفعات تحت مقدمہ درج کرلیا اور مزید تحقیقات کےلیے ملزم کے ایک اور ساتھی "شیکھر بھائی عمرتی" سے پولس پوچھ گچھ کر رہی ہے۔
پولیس کے مطابق شیکھر بھائی نے تحقیقات کے دوران بتایا کہ وہ ایک دوست کی مدد سے دوسری ریاستوں سے دیسی پستول لاکر "ویپل یاماجی آہیر" کو فروخت کیا کرتا تھا۔ پولس کی ایک ٹیم شیکھر کے دیگر ساتھیوں کی تلاش کر رہی ہے۔
پولس نے "ویپل یاماجی آہیر" کے قبضہ سے دو دیسی پستول اور 12 زندہ کارتوس اور اسکے ساتھی "سنتوش ٹھاکرے ونچور" سے ایک دیسی پستول اور 14 زندہ کارتوس ایک موبائل فون قبضے میں لیا ہے۔ اس معاملے میں پولس نے سلسلہ وار کارائی کرتے ہوئے چاندواڑ (ناسک ضلع) میں "کیشور مادھا تھومبری" سے ایک دیسی پستول 4 زندہ کارتوس اور ایک موبائل فون قبضہ میں لیا ہے. اسطرح "ساگر واگ" نامی نوجوان کے قبضے سے ایک دیسی پستول 2 زندہ کارتوس قبضے میں لیا ہے۔ پولس نے اس سلسلہ میں مزید 6 افراد کو گرفتار کیا ہے اور ان کے قبضہ سے اسلحہ و دیگر اشیا برآمد کرلیے۔
