اروناچل پردیش میں بھارت چین سرحد پر ڈیوٹی کے دوران ایک فوجی افسر کی دل کا دورہ پڑنے سے موت ہو گئی۔35 سالہ لیفٹیننٹ کرنل واسودیو دامودر آواری جو مہاراشٹر کے یاوتمال ضلع کے وانی تعلقہ کے مردھونی گاؤں کے رہنے والے ہیں کو 4 اکتوبر کو اروناچل پردیش میں بھارت-چین سرحد پر سطح سمندر سے 16,000 فٹ کی بلندی پر اپنی ڈیوٹی سرانجام دیتے ہوئے دل کا دورہ پڑا۔
دل کا دورہ پڑنے کے بعد انہیں فوری طور پر علاج کے لیے گوہاٹی کے ملٹری بیس اسپتال منتقل کیا گیا جہاں ان کی موت ہوگئی،ان کی آخری رسوماتجمعہ کو مردھونی میں اداکی جائے گی۔
بتایاجارہا ہے کہ ان کے آخری رسومات میں مقامی رکن پارلیمان بالو دھنورکر، رکن اسمبلی سنجیوریڈی بودکوروار، سب ڈویژنل آفیسر ڈاکٹر شرد جولے، تحصیلدار نکھل دھولدھر، سب ڈویژنل پولس آفیسر سنجے پوجلوار، تھانیدار رام کرشن مہلے، اور دیگر معززین افسر کی آخری رسومات میں شرکت کرنے کی توقع ہے۔
170 فیلڈ رجمنٹ ویر راج پور میں خدمات انجام دینے والے افسر کو حال ہی میں میجر کے عہدے سے لیفٹیننٹ کرنل کے عہدے پر ترقی دی گئی تھی۔ انہوں نے اپنی اسکولی تعلیم وویکانند ودیالیہ میں مکمل کی تھی۔ اس کے بعد وہ این ڈی اے میں شامل ہو گئے۔
مزید پڑھیں:Armyman Died in Sopore سوپور میں حادثاتی طور پر گولی چلنے سے فوجی اہلکار ہلاک
