ریاست مہاراشٹر کے مالیگاوں اسمبلی انتخابات میں تلنگانہ کے سابق میئر ماجد حسین نے ایم آئی ایم امیدوار اسماعیل قاسمی کی جیت کے لیے مالیگاؤں عوام سے خطاب کرتے ہوئے کہا کہ 'مالیگاوں مسلم اقلیتوں کا شہر ہے لیکن یہاں کانگریس نے تعمیر و ترقی کے نام پر بدعنوانیاں کی ہے'۔
انہوں نے کہا کہ اس شہر میں روزگار اور اعلیٰ تعلیم کے لیے کوئی مواقع نہیں ہے بزرگوں، یتیموں اور بیواؤں کے لیے کسی طرح کی مالی سرکاری اسکیمیں دستیاب نہیں ہیں۔
حیدرآبار نامپلی حلقہ کے موجودہ رکن اسمبلی جعفر حسین معراج نے اپنے جذبات کا اظہارکرتے ہوئے کہا اسدالدین اویسی ایسے سنگین حالات میں قومی سطح پر مسلمانوں کے مسائل پر آواز بلند کر رہے ہیں ۔
انہوں نے کہا کہ ایم آئی ایم کے امیدوار اگر مہاراشٹر اسمبلی میں جیت کر آئیں گے تو مسلمانوں کی نمائندگی بخوبی نبھائیں گے اس لیے مالیگاوں اسمبلی حلقہ سے ایم آئی ایم سے نامزد امیدوار مفتی محمد اسماعیل قاسمی کو ووٹ دیں ۔
واضح رہے کہ ایم آئی ایم امیدوار مفتی محمد اسماعیل قاسمی سابق ایم ایل اے، صدر جمعیتہ علماء مالیگاوں، رکن مجلس شوری دارالعلوم دیو بند اور امام و خطیب جامع مسجد وعیدگاہ ہیں۔
