اورنگ آباد کے کراڑ پورا علاقے میں پانی سپلائی کے انتظامات کے مطالبے پر علاقے کے لوگوں نے مجلس اتحاد المسلمین کے قائدین کی رہنمائی میں سڑکوں پر احتجاج کیا۔ گزشتہ کئی سالوں سے اورنگ آباد شہر میں واقع کراڑ پورہ علاقہ میں نلوں کے ذریعے آلودہ پانی فراہم کیا جارہا ہے۔Lack of Water in Aurangabad
علاقے کے لوگوں کا کہنا ہے کہ ڈرینیج لائن بھی ناکارہ ہونے کے سبب ڈرینیج کا گندا پانی راستوں پر بہتا رہتا ہے۔ علاقوں میں نلوں کے ذریعے پانی ہی نہیں آتا کراڑ پورہ میں یہ شکایات گزشتہ کئی سالوں سے ہے، لیکن ان علاقوں میں توجہ دینے والا کوئی نہیں ہے۔ لہذا اس جانب اورنگ آباد میونسپل کارپوریشن کی توجہ دلانے کے لیے مجلس اتحاد المسلمین کے لیڈران کی رہنمائی میں علاقے کے ساکنان اور مجلس اتحاد المسلمین کے دیگر ذمہ داران نے اورنگ آباد کے سڑکوں و علاقے میں موجود پانی کی ٹنکی پر احتجاج کیا۔ نو نامزد ایگزیکٹیو انجینئر ہیمنت کولہے نے انہیں بھروسہ دلایا کہ جلد ہی ان کا مسئلہ حل کر دیا جائے گا۔
