شیوسینا کے ترجمان اور ممبر آف پارلیمنٹ سنجے راوت نے وزیر اعلی ادھو ٹھاکرے سے ملاقات کرنے کے بعد اخبار نویسوں سےگفتگو کرتے ہوئے کہا کہ شیوسینا کے لیے اب کنگنا کا ایپی سوڈ ختم ہوچکا ہے۔ اسی کے ساتھ راوت نے مزید کہا کہ کنگنا کے دفتر پر بی ایم سی کی جانب سے ہونے والی انہدامی کاروائی سے کوئی بھی ناراض نہیں ہے۔
راوت نے آج میڈیا سے گفتگو کرتے ہوئے میں شیوسینا کے چیف اور مہاراشٹر کے وزیر اعلی ادھوٹھاکرے سے پارٹی کے متعلق کام کاج کے سلسلے میں ملاقات کیا ہوں۔
ہم فی الحال اپنے روزانہ کے معمول، سرکاری اور سماجی کاموں اور عوامی فلاحی کاموں کی طرف دھیان دے رہے ہیں۔ کنگنا کے دفتر اور مکان کو منہدم کیے جانے کے بعد کانگریس کی چیئرپرسن سونیاگاندھی اور این سی پی کے سربراہ شردپوار ناراض ہوگئے تھے؟
اس سوال کےجواب میں راوت نے کہا کہ میڈیا میں ایسا لکھنے والوں کے پاس غلط جانکاری تھی۔ شردپوار صاحب یا سونیاگاندھی جی کسی نے بھی اس معاملے پر اپنی ناراضگی کو لے کر کوئی بھی بیان نہیں دیا ہے۔
واضح رہے سنجے راوت اور ادھو ٹھاکرے کی جمعرات کو ہوئی ملاقات سے پہلے ممبئی میں وزیر اعلیٰ کی سرکاری رہائش گاہ پرادھو ٹھاکرے اور شردپوار کے درمیان ہونے والی میٹنگ کنگنا کے دفتر گھر کا انہدام نیز میڈیا میں اس خبر کو لے کرمہا وکاس آگھاڑی میں اختلاف بھی زیر بحث رہا۔
مزید پڑھیں:
کنگنا رناوت معاملہ: سماعت 22 ستمبر تک ملتوی
اس میٹنگ میں شردپوار اور ادھو ٹھاکرے کے درمیان یہ بات طے پائی کہ اب شیوسینا کنگنا راناوت کے موضوع کوترجیح نہیں دے گی۔
