مہاراشٹر کے شہر مالیگاؤں سے تعلق رکھنے والے نوجوان صحافی ریحان یونس کی کتاب 'صحیفہ صحافت' Saheefa-e-Sahafat Book کے اجرا کی تقریب عمل میں آئی جس میں معززین شہر اور صحافیوں نے شرکت کی۔
اس تقریب کی صدارت پروفیسر عبدالمجید صدیقی نے کی جبکہ شہر کے معروف ادبیوں اور صحافیوں نے ریحان یونس کی خدمات کا اعتراف کرتے ہوئے ان کی کاوشوں کی ستائش کی۔
اس موقع پر صاحب کتاب کا تعارف ڈاکٹر مبین نظیر نے جبکہ ڈاکٹر آصف فیضی نے کتاب پر بہترین تبصرہ اور تقریب کے اغراض و مقاصد کو سینیئر صحافی منصور اکبر نے پیش کیا۔
اس دوران آل انڈیا مسلم پرسنل لاء بورڈ کے رکن مولانا عمرین محفوظ رحمانی نے کہا کہ آج ملک میں میڈیا نے اپنا معیار کھودیا ہے۔ جس کی وجہ سےالیکٹرانک میڈیا اور سوشل میڈیا کے دور میں صحافت میں صحیح اور غلط خبروں میں فرق کرنا بہت مشکل ہوگیا ہے۔
انہوں نے کہا کہ صداقت اور دیانتداری صحافت کے دو اہم ستون ہیں۔ صحافیوں کو چاہیے کہ بڑی ذمہ داری، ایمانداری اور غیر جانبداری سے صحافتی خدمات انجام دیں۔
اس کے علاوہ ڈاکٹر سعید فیضی نے کہا کہ صحافت کو اسلامی نقطہ نظر سے دیکھنا چاہیے اور صحیح خبریں عوام تک پہنچانے کوشش ہونی چاہیے۔
پروفیسر عبدالمجید صدیقی نے اپنے صدارتی خطبہ میں کہا کہ کتاب صحیفئہ صحافت طلباء و طالبات کیلئے بلکہ صحافتی خدمات انجام دے رہے صحافیوں اور اخباری نمائندوں کیلئے کارآمد ہے۔ اس لیے اس کتاب کا مطالعہ ضرور کریں۔
