'شب برأت کا اہتمام اپنے گھروں میں کریں'

لاک ڈاؤن کے پیش نظر علماء کرام نے اس بار شب برأت پر گھروں میں رہ کر ہی عبادت کرنے کی اپیل کی ہے۔

کورونا وائرس کی وبا کو روکنے کے لیے ملک بھر میں 21 دنوں کا لاک ڈاؤن جاری ہے۔ اسی کے پیش نظر تمام مذہبی مقامات بھی بند کر دیے گیے ہیں۔

شب برات کا اہتمام ضروری ہے، لیکن اس کے لیے اپنے گھروں میں ہی عبادات کا اہتمام کیا جائے اس طرح کی اپیل اورنگ آباد کے علما عمائدین شہر اور رکن پارلیمان امتیاز جلیل نے کی ہے۔

اسی طرح شب برأت کو قبرستان میں جانے کے بجائے اپنے گھروں میں رہ کر ہی ایصال ثواب کی دعائیں کی جائے، ساتھ ہی علما نے اس موقع پر کورونا وائرس کی وبا سے نجات کے لیے خصوصی دعاؤں کی بھی تلقین کی ہے۔