اورنگ آباد شہر میں کورونا وائرس کے مریضوں کی تعداد دن بدن بڑھتی جا رہی ہے۔ اورنگ آباد میں اب تک مریضوں کی تعداد 53 ہو چکی ہے جن میں سے چھ مریضوں کی موت ہوچکی ہے اور تقریباً 23 مریض صحت مند ہو کر اپنے گھر چلے گئے ہیں۔ باقی کے مریض اورنگ آباد کے سرکاری اسپتال میں زیر علاج ہیں اور شہر میں بہت سے مریضوں کو ہوم کورنٹائن بھی کیا گیا ہے۔
اورنگ آبادمیں کورونا وائرس کی وجہ سےایک خاتون کی موت ہو گئی جسکی عمر تقریبا ساٹھ سال تھی۔
اورنگ آباد میونسپل کارپوریشن محکمہ صحت کی انچارج ڈاکٹر نیتا پاڈلکر نے بتایا کہ مرنے والی خاتون کو بہت ساری بیماریاں تھی اور اُس خاتون کی دو دن پہلے ہی کورونا رپورٹ پوزیٹیو آئی تھی جس کے بعد اسے اورنگ آباد کی گھٹی اسپتال میں داخل کروایا گیا تھا ۔جس کے بعد علا ج کے دوران ہی خاتون کی موت واقع ہوگئی۔
وہیں کورونا وائرس میں مبتلا 17 سالہ لڑکے کی کرونا وائرس کی رپورٹ منفی آئی ہے جس کے بعد اسے اورنگ آباد کے سرکاری اسپتال کے کووڈ سینٹر سے ڈسچارج دیا گیا ہے۔
