اورنگ آباد: ریاست مہاراشٹر کے ممبئی حج ہاؤس میں یو پی ایس سی کوچنگ Mumbai Haj House UPSC Coaching سینٹر میں سیٹوں کی تخفیف پر رکن پارلیمان سید اِمتیاز جلیل نے برہمی کا اظہار کیا۔ ایم پی جلیل نے مطالبہ کیا کہ اقلیتی امور کے وزیر نواب ملک فوری مداخلت کرکے مسئلے کو حل کریں۔
'ممبئی کے حج ہاؤس میں یو پی ایس سی کی کوچنگ سینٹر میں طلبہ کی تعداد کو محدود کردینا ایک طرح سے مسابقتی امتحانات کی تیاری کرنے والے طلبہ کی حق تلفی کے برابر ہے۔ ایسے اقدامات کو قطعی برداشت نہیں کیا جائے گا۔' ان خیالات کا اظہار ایم پی امتیاز جلیل نے کیا۔
ان کا کہنا ہے کہ اس معاملے میں وزیر اقلیت مختار عباس نقوی کو فوری اس بات کا نوٹس لینا چاہیے اور طلبہ کے ساتھ ہونے والی ناانصافی کا ازالہ کیا جانا چاہیے رکن پارلیمان جلیل کا کہنا ہے کہ وہ جلد ہی اس معاملے میں وزیر اقلیت سے ملاقات کریں گے اور معاملے کو سلجھانے کی کوشش کی جائے گی۔
