سنت ابراہیمی اور وجوب قربانی کی ادائیگی کے لیے مویشی منڈیوں میں گہما گہمی جلد شروع ہونے والی ہے۔ اس گہما گہمی کے دوران عام عوام قربانی اچھے بکرا کا انتخاب کرنے کے لیے انٹر نیٹ کی بھی مدد لے رہے ہیں۔ اس سلسلے میں ای ٹی وی بھارت نے ایک یوٹیوبر و بلاگر سے بات چیت کی۔
بھارت میں درجنوں نسل کے بکرے پائے جاتے ہیں، صرف راجستھان میں دس سے زائد نسلوں کے بکرے پائے جاتے ہیں۔ کچھ ایسی نسلوں کے بکرے بھی بھارت میں پائے جاتے ہیں جو رجسٹرڈ نہیں ہیں۔ امید ہے کہ وہ بہت جلد رجسٹرڈ ہو جائیں گے۔
عید الاضحیٰ کے موقع پر لوگ اچھے بکرے کا انتخاب کرنے کے لیے یوٹیوب اور انٹرنیٹ پر بھی سرچ کرتے ہیں۔ ایسے لوگوں کو جانکاری فراہم کرنے کے لیے ممبئی سے تعلق رکھنے والے عاصم شیخ بکروں کی منڈی، بکروں کی نسل، بکروں کے فارم ہاؤس، بکروں کی تجارت، بکروں کی خرید و فروخت کے تعلق سے ہی ویڈیو بنا کر یوٹیوب پر اپلوڈ کرتے ہیں۔ عاصم کہتے ہیں کہ لاک ڈاؤن میں جب حکومت نے قربانی کے بکروں کو آن لائن خریدنے کے لیے کہا تو لوگوں کے پاس بکروں کی کوئی تفصیل نہیں تھی۔ ایسے میں ان کے یوٹیوب چینل کے ذریعے لوگوں نے صیح معلومات حاصل کی، جس سے انہیں بکرے خریدنے میں بھی مدد ملی۔'
عاصم کہتے ہیں کہ بھارت میں اس کاوربار سے لاکھوں لوگ وابستہ ہیں لیکن انہیں اس کاروبار کے بارے میں بتانے والا کوئی نہیں ہے۔ ایسے میں اپنے چینل کے ذریعے ہی تاجروں کو عوام سے متعارف کراتے ہیں۔ اب تک عاصم بھارت کے 60 فیصد شہروں کا سفر کر چکے ہیں۔ چار ہزار سے زائد ویڈیو انہوں نے اپنے چینل پر اپلوڈ کیا ہے، جہاں بھی وہ جاتے ہیں وہاں صرف اور صرف بکروں کا ویڈیو بنا کر ان کی تفصیلات عوام تک پہنچاتے ہیں'۔
