کورونا وبا کے سبب امسال بھارت سے کوئی فرد حج کے لیے نہیں جا سکا۔ جس میں اورنگ آباد کے افراد بھی شامل تھے۔ اورنگ آباد میں آٹھ سو سے زائد عازمین کے پاسپورٹ ممبئی دفتر میں جمع تھے۔
اورنگ آباد: عازمین حج اپنے پاسپورٹ حج کمیٹی سے حاصل کریں
اب حج 2020 کے فریضہ حج سے محروم عازمین حج کے پاسپورٹ مہاراشٹر کے اورنگ آباد پہنچ گئے ہیں جو 'خدماتِ حجاج کمیٹی' کے دفتر سے حاصل کیے جاسکتے ہیں۔
اس بات کی جانکاری کمیٹی کے صدر مولانا نسیم الدین مفتاحی نے دی۔ انھوں نے بتایا کہ ممبئی کے صدر دفتر سے حج کمیٹی کے ذمہ داران نے پاسپورٹ حاصل کرلیے ہیں وہ اب اورنگ آباد میں واقع خدماتِ حجاج کمیٹی کے دفتر سے حاصل کیے جاسکتے ہیں۔
