وزیر اعلیٰ نے بتایا کہ '3 اپریل سے ریاست میں کووڈ 19 کا ایک بھی کیس رپورٹ نہیں ہوا ہے۔ آج آخری مریض کی ٹیسٹ رپورٹ بھی منفی آئی ہے۔ یہ بتاتے ہوئے مجھے خوشی ہو رہی ہے کہ فی الحال ریاست میں کووڈ 19 کا ایک بھی کیس نہیں ہے۔'
انہوں نے میڈیکل اسٹاف کی کوششوں کی ستائش کی اور کہا کہ 'میں کووڈ 19 اسپتال کے پورے اسٹاف کو مبارکباد پیش کرتا ہوں۔ کورونا کے چھ غیر ملکی شہریوں کو قرنطینہ مرکز میں رکھا گیا تھا جبکہ ساتویں مریض کی کووڈ 19 ٹیسٹ رپورٹ آج منفی آئی ہے۔'
انہوں نے سروے ٹیم اور گوا پولیس کا شکریہ ادا کرتے ہوئے کہا کہ 'ان کی کوششوں کی وجہ سے آج گوا 'صفر کووڈ 19' کیس کی ریاست بنا ہے۔'
ساونت نے لوگوں سے سماجی فاصلے کے ضابطے پر عمل کرنے کی اپیل کی اور کہا کہ 'گوا کے عوام کو ریاست کا 'صفر کیس' کا اسٹیٹس برقرار رکھنا چاہیے۔'
