ممبئی کے سابق ڈاریکٹر جنرل آف پولیس کی جانب سے ریاست کے وزیر اعلی ادھو ٹھاکرے کے نام تحریر کردہ اس خط کو لے کر طرح طرح کی باتیں کی جارہی ہیں۔ تاہم شیو سینا کے رہنما سنجئے راوت کا کہنا ہے کہ وزیر اعلی ادھو ٹھاکرے اورشردپوار اس کی خط کی جانچ کرائیں۔حالانکہ وزیر داحَہ انیل دیشمکھ نے بھی اس خط کی تحقیقاط کا مطالبہ کیا ہے ۔
انہوں نے کہا کہ ہر ایک کو اپنے محاسبہ کی ضرورت ہے ۔مگر سوئے اتفاق اس طرح کے الزامات عائد کئے جارہے ہیں۔
انہوں نےمزید کہا کہ مہا وکاس اگاڑی نے حکومت سازی کے لئے سخت جدو جہد کی ہے اور اب اس طرح کے الزامات حیران کن ہیں ۔
انہوں نے کہا کہ کسی بھی حکومت کے لئے پولیس انتظامیہ ریڑھ کی ہڈی کی حیثیت رکھتی ہے۔ اور مہاراشٹر کی ریڑھ کی ہڈی پولیس انتظامیہ ہے ۔
راوت نے مزید کہا کہ مہا وکاس آگاڑی حکومت روزاول سے ہی بہتر کارکردگی کا مظاہرہ کر رہی ہے۔
انہوں نے کہا کہ ملزمین میں سے ایک ملزم خودسابق پولیس کمشنر ہیں۔جس کی وجہ سے انہیں ہٹایا گیاہے۔
اور وزیر داخلہ نے خود کہا کہ اس خط کی تحقیقات ہونی چاہئے۔
سنجئے راوت نے کہا کہ وہ اس سلسلے میں آج ایک مرتبہ پھر سینئر رہنما شردپوار سے دہلی میں ملاقات کرینگے ۔
انہوں نے کہا کہ کہ گذشتہ 72 گھنٹوں سے مہاوکاس اگاڑی حکومت کو تنقید کا نشانہ بنایاجارہا ہے ۔ ہم سب مل بیٹھ کر فیصلہ کریں گے ۔ اس صورتحال میںبھی وزیر اعلی ادھو ٹھاکرے حکومت کی شبہہ کو برقرار رکھنے کی پوری کوشش کر رہے ہیں۔کچھ چیزیں صحیح وقت پر ہونے کی امید ہے۔
