سابق رکن پارلیمان مولانا عبیداللہ خان اعظمی اورانکی اہلیہ سخت علیل

عالم دین اور سابق رکن پارلیمان مولانا عبیداللہ خان اعظمی اور ان کی اہلیہ علالت کی وجہ سے جنوبی ممبئی کے ایک اسپتال میں زیر علاج ہیں۔

ذرائع کے مطابق گورے گاؤں میں آرے کالونی میں واقع ہاؤسنگ میں رہائش پذیر مولانا عبیداللہ خاں اعظمی اور ان کی اہلیہ کو شدید علالت کے سبب جنوبی ممبئی منتقل کیا گیا ہے جہاں وہ کئی دنوں سے زیر علاج ہیں۔

بتایا جاتاہے کہ مولانا عبیداللہ خان اعظمی کی حالت کچھ بہتر ہے، لیکن ان کی اہلیہ انتہائی نگہداشت میں رکھی گئی ہیں۔

کورونا وائرس کا شبہ ظاہر کیا جارہا ہے اور ان کے قریبی حضرات نے ان کی شفایابی اور صحت مندی کے لیے دعا کی اپیل کی ہے۔

رضا اکیڈمی نے بھی ان کی علالت کی تصدیق کی ہے۔