مالیگاؤں میں مور کا شکار کرتے ہوئے پانچ شکاری گرفتار

مور بھارت کا قومی پرندہ ہے اور مور کا شکار قانوناً جرم ہے جس طرح سے ہرن اور دیگر جنگلی چرند پرند پر پابندیاں ہیں۔ مالیگاؤں و اطراف کے جنگلات میں مور اور ہرن کی تعداد زیادہ ہے جس کی وجہ سے یہاں شکاری بھی بہت ہیں۔

مالیگاؤں شہر سے بیس کلومیٹر کرجگوان گاؤں میں مور کے پانچ شکاریوں کو محکمہ جنگلات پولیس نے گرفتار کیا ہے، ان شکاریوں کے پاس ایک انڈیکا کار MH-41-B-8609 ,اسنائپر رائفل, چھری اور دیگر ہتھیاربر آمد ہوئے ہیں۔ شکاریوں کی تحویل میں دو مردہ مور بھی تھے۔

ای ٹی وی بھارت کے نمائندے کے مطابق پانچوں شکاریوں نے دو مور کا گرجگوان اور گالنہ قلعہ کے درمیان جنگلات میں شکار کئے تھے جس دوران مقامی گاؤں والوں نے انہیں دیکھ لیا اور پکڑ کر پولیس کو فون پر خبر دے دی۔ بعد میں پولیس نے موقعے پر آکر انہیں حراست میں لیا۔