گذشتہ رات ممبئی ناسک شاہراہ پر واقع ایک ہاسٹل میں اچانک آگ لگ گئی۔ پولیس اور فائر فائٹرز نے فوری طور پر 74 طلبا کو اس آتشزدگی سے بچایا۔ تاہم، آگ کی وجہ سے ہاسٹل کا کافی نقصان ہوا ہے اور طلبا کا سامان بھی جل کر خاکستر ہوگیا ہے۔'
بھیونڈی تعلقہ میں ممبئی ناسک شاہراہ پر لڑکوں اور لڑکیوں کا ایک ہاسٹل ہے جس کا نام دین دیال اپادھیائے گرامین کوشلیہ یوجنا ہاسٹل ہے۔ اسی ہاسٹل میں اچانک آگ لگ گئی۔ تاہم ہاسٹل سے تمام طلبا کو بحفاظت نکال لیا گیا اور کسی جانی نقصان کی اطلاع موصول نہیں ہوئی ہے۔
واقعے کی اطلاع موصول ہوتے ہی بھیونڈی اور کلیان - ڈومبیولی میونسپل فائر بریگیڈ کی 2 گاڑیاں موقع پر پہنچ گئیں جس کے بعد آگ پر قابو پایا گیا اور تمام 74 طلبا کو بچایا۔ اس طرح ایک بڑا حادثے ہونے سے بچ گیا۔ تاہم، آگ لگنے کی وجوہات کا پتہ نہیں چل سکا ہے۔
واضح رہے کہ جمعرات کی رات 12 بجے کے قریب بھانڈوپ کے ایک مال میں آگ لگ گئی تھی جس میں مجموعی طور پر 11 افراد ہلاک ہوئے تھے۔
